فرحت شہزادی کا نام بگاڑنے کے الزام پر عطاء تارڑ کو قانونی نوٹس جاری

خاتون اول کی دوست فرحت شہزادی عرف فرح خان کا نام بگاڑنے کے الزام پر رہنما مسلم لیگ (ن) عطاء اللّٰہ تارڑ کو قانونی نوٹس جاری کردیا گیا۔

فرحت شہزادی کی طرف سے نوٹس میں عطاء تارڑ کو معافی کے لیے 7 روز کا وقت دیا گیا۔

نوٹس کے متن کے مطابق عطاء تارڑ نے پچھلے نوٹس کے جواب میں اعتراف کیا کہ انہوں نے نام بگاڑا۔

عطا تارڑ نے فرح خان کے بھیجے گئے 6 ارب کے ہتک عزت کے لیگل نوٹس کا جواب دے دیا

وکیل عطا تارڑ نے کہا کہ فرح خان نے قومی خزانے سے اربوں روپے لوٹے، فرح خان نے احسن جمیل گجر اور بشریٰ بی بی کے ساتھ کرپشن کے ریکارڈ توڑے۔

قانونی نوٹس میں کہا گیا کہ عطاء تارڑ فرحت شہزادی کا مسلسل نام بگاڑ رہے ہیں، ان کے اس عمل سے فرحت شہزادی کی شہرت متاثر ہورہی ہے۔

نوٹس میں مزید کہا گیا کہ عطا تارڑ 7 روز میں معافی مانگیں ورنہ ہتک عزت کا دعویٰ دائر کیاجائے گا۔