یومِ آزادی پر سیاست پر ریاست کو فوقیت دیں: شجاعت حسین

مسلم لیگ ق کے صدر چوہدری شجاعت حسین کا کہنا ہے کہ 14 اگست کا تقاضہ ہے کہ ہم انا اور تکبر چھوڑ کر سیاست پر ریاست کو فوقیت دیں۔

ایک بیان میں چوہدری شجاعت نے کہا ہے کہ ملک کی معیشت اسی وقت درست ہو گی جب ہم ثابت قدم ہوں گے۔

انہوں نے کہا کہ نظریاتی و جغرافیائی سرحدوں کی حفاظت کے لیے فوج کا بہت بڑا کردار ہے، ذاتی لڑائیوں میں اداروں کو گھسیٹنے سے گریز کریں۔

جشن آزادی آج ملی جوش و جذبے کے ساتھ منایا جا رہا ہے

جشن آزادی پر مزار قائد پر گارڈ کی تبدیلی کی پروقار تقریب ہوئی، پاکستان نیول اکیڈمی کے کیڈٹس نے مزار قائد پر اعزازی گارڈ کے فرائض سنبھال لیے ہیں۔

چوہدری شجاعت کا کہنا ہے کہ ملک کو مشکلات سے نکالنے کے لیے اہلِ سیاست، اہل صحافت سمیت پوری قوم کو مثبت کردار ادا کرنا ہو گا۔

ان کا یہ بھی کہنا ہے کہ ان لوگوں سے ہوشیار رہنےکی ضرورت ہے جو ذاتی فائدہ اٹھانے کے لیے منفی پروپیگنڈا کرتے ہیں، بدقسمتی سے کچھ لوگوں کی انا ملک و قوم سے بھی بڑی ہو چکی ہے۔