کراچی (جنگ نیوز) پاکستان کے نامور صحافی، قلم کاراور تجزیہ کار مجیب الرحمان شامی ہفتے کو ”جیونیوز“ کے پروگرام ”خبرناک“ میں بطور مہمان خصوصی شرکت کریں گے۔ اس شو میں ناظرین مجیب الرحمان شامی کا ایک منفرد انداز دیکھیں گے کیونکہ مجیب الرحمان شامی کی دلچسپ جگتوں کے آگے پروگرام کے میزبان (ڈمی) مشرف کو بھی لینے کے دینے پڑ جائیں گے اور وہ اپنا منہ میز کے نیچے چھپا لیں گے۔ (ڈمی ) مشرف اور شامی صاحب کی سنگت کا کانٹے دار مقابلہ، کس نے جیتا؟ اس کا علم ناظرین کو ”خبرناک“ دیکھ کر ہوگا۔ پروگرام میں موسیقی سے تعلق رکھنے والے رفاقت علی خان بھی چار چاند لگائیں گے ۔”خبرناک“ کی ساتھی میزبان عائشہ اُن سے استاد سلامت علی خان اور لتا منگیشکر کے رومانس کی اندرونی کہانی سنانے کا اصرار کرتی دکھائی دیں گی۔ ساجد بھائی کا چیلنج، فواد خان اور دلفریب نغمہ بھی پروگرام کا خاصہ ہیں۔ طنز و مزاح سے بھر پور ”خبرناک“ علی میر کی میزبانی میں رات 11 بجکر5منٹ پر دکھایا جائے گا۔
فرمان الہی
نماز کے اوقات
