ای سی سی کی تمام لگژری اشیاء کی درآمد پر پابندی ختم کرنے کی منظوری

وزیر خزانہ مفتاح اسماعیل کا کہنا ہے کہ ای سی سی نے تمام لگژری اشیاء کی درآمد پر پابندی ختم کرنے کی منظوری دیدی ہے۔

ای سی سی کا اجلاس وزیر خزانہ مفتاح اسماعیل کی زیر صدارت ہوا جس میں 30 جون سے 31 جولائی کے دوران آنے والا سامان جاری کرنے کی سفارش کی گئی۔

اجلاس میں درآمدی سامان سرچارج کی وصولی کے بعد جاری کرنے کی ہدایت کی گئی۔

ای اسی سی اجلاس میں وزارت خزانہ نے بتایا کہ گاڑیوں، موبائل فونز سمیت 860 اشیاء پر سے پابندی ہٹا دی گئی، ان اشیاء کا تعلق 33 مختلف کیٹگریز سے ہے۔ 

اجلاس میں کہا گیا کہ درآمدی اشیاء پر پابندی ہٹانے کا فیصلہ تجارتی شراکت داروں کے مطالبے پر کیا گیا۔

واضح رہے کہ وفاقی حکومت نے 19 مئی کو 3 ماہ کیلئے پابندی عائد کی تھی۔