ملتان(نمائندگان جنگ)فتح پور،وہوا،شہر سلطان ،چکوال میں ٹریلروں نےماں بیٹی سمیت7 افراد کچل دیئےجبکہ دیگر حادثوں میں 5جاں بحق ہوگئے تفصیل کے مطابق کوٹ ادوکے موضع چوہدری چاہ تھتھل والا کے قاری ربنواز لاڑ کا بیٹا 26سالہ شاہد لاڑ اپنے چچا غلام شبیرلاڑ کے ہمراہ ٹریکٹر پر گھر جا رہا تھا کہ لا ڑ والا کے قریب تیز رفتاری سےموڑ کاٹتے ہوئے ٹریکٹر قلا بازیاں کھاتا ہوا گہری کھائی میں جا گراجس کے نتیجے میں شاہد لاڑ موقع پر جاں بحق جبکہ اس کا چچا غلام شبیر لاڑ زخمی ہو گیا جسے نشتر ہسپتال ملتان بھیج دیا گیا علاوہ ازیں رحیم یارخان گوٹھ جوڑا میں ٹرک نے تیز رفتاری کے باعث ایک نامعلوم راہ گیر کو کچل دیا جوموقع پر ہی جاں بحق ہوگیا۔ خانپور کارہائشی60سالہ رشیداحمد سات روز قبل کار اور موٹرسائیکل میں تصادم کے نتیجے میں زخمی ہوگیا تھاگزشتہ روز رحیم یارخان ہسپتال میں زخموں کی تاب نہ لاتے ہوئے دم توڑگیا۔ مہاجر کالونی صادق آباد کا رہائشی پولیس کانسٹیبل ظہیر رحیم یارخان جارہا تھا کہ آدم صحابہ کے قریب کار نے ٹکر دے ماردی جس سےوہ موقع پر دم توڑ گیا ۔ وہوا کی بستی عظیم کا 30 سالہ محمد شریف لغاری اپنی ہمشیرہ 40 سالہ حمیدہ بی بی اور چھ سالہ بیٹے کے ہمراہ موٹر سائیکل پر جارہا تھابستی داؤ والی کے قریب مخالف سمت سے آنے والے موٹرسائیکل سے جاٹکرائے اور دونوں موٹرسائیکلوں پر سوار افراد سڑک پر گر پڑے اسی دوران ایک ٹریلر ان پر چڑھ دوڑا جس سےحمیدہ بی بی کے جسم کے چیتھڑے اڑ گئے اور وہ مکمل طور پر کچل جانے کے باعث ناقابل شناخت ہوگئی تاہم اس کا بھائی محمد شریف اور غلام سرور معمولی زخمی ہوئے۔جلالپور کااسد اقبال اپنی والدہ مٹھو مائی اور بہن عائشہ مائی کے ہمراہ موٹرسائیکل پرعلی پور جا رہا تھا کہ شہرسلطان مین جی ٹی روڈ ہٹیاں کے قریب ٹریلر کے پچھلے ٹائروں کے نیچے آگیاجس کے نتیجے میں اسد اقبال کی والدہ اور بہن ٹریلرکے نیچے آکر کچلی گئیں اور موقع پر ہلاک ہو گئیں۔جبکہ اسد اقبال شدید زخمی ہوگیا ۔وہوا میں سریے سے لدا ٹریلر ڈرین کراس کرنے کے دوران الٹ گیاجس کی چھت پر بیٹھا نامعلوم مزدور دب کر جاں بحق اور ڈرائیور محمد افضل شدید زخمی ہو گیاجسے نشتر ہسپتال ملتان ریفر کر دیا گیا ہے ریسکیو ذرائع کے مطابق مزدور ملتان کا رہائشی تھا۔بھکر کا رہائشی اختر عباس ایم ایم روڈ پر فتح پور کے نواحی علاقہ میں اپنی گاڑی خراب ہونے پر کھڑا تھا کہ ایک ٹریلرنے اسے ٹکر مار دی جس سے وہ موقع پر ہی جاں بحق ہو گیا۔فتح پور کے نواحی گاؤں چکنمبر 75/ML کامحمد خالد موٹر سائیکل پر جا رہا تھا کہ ایم ایم روڈ پر ایک تیز رفتار ٹرک نے اسے ٹکر مار دی جس سے وہ شدید زخمی ہو گیا ۔چکوال سوہاوہ روڈ پر ملہال مغلاں کے قریب ٹریلر نے موٹر سائیکل کو سائیڈ ماردی جس کے نتیجے میں دو نوجوان عدنان اور وقارجاں بحق ہو گئے ۔
فرمان الہی
نماز کے اوقات
