سیلاب، جنوبی پنجاب کے متاثرہ اضلاع میں مشکلات کم نہ ہوئیں

جنوبی پنجاب کے سیلاب سے متاثرہ اضلاع میں متاثرین کی مشکلات کم نہیں ہوسکیں۔

ڈیرہ غازی خان اور راجن پور کے متاثرہ علاقوں میں سیلابی پانی کی سطح برقرار ہے۔

راجن پور میں متاثرین نے اپنے اجڑے آشیانوں کو اپنی مدد آپ کے تحت ہی بنانا شروع کردیا جبکہ ہزاروں کی تعداد میں سیلاب متاثرین انڈس ہائی وے پر موجود ہیں۔

میانوالی میں جناح بیراج کے مقام پر درمیانے درجے جبکہ چشمہ کے مقام پر اونچے درجے کا سیلاب ہے۔ دریائے سندھ میں بھکر کے مقام پر پانی کی سطح بدستور بلند ہے۔

سیلاب سے 1500 سے زائد افراد جاں بحق ہوئے، وزیر خارجہ

وزیر خارجہ بلاول بھٹو زرداری نے کہا ہے کہ پاکستان میں سیلاب سے 1500 سے زائد افراد جاں بحق اور 3 کروڑ 30 لاکھ افراد متاثر ہوئے۔

لیہ میں سیلاب سے کئی بستیاں زیر آب آگئیں اور ہزاروں ایکڑ پر کھڑی فصلوں کو بھی نقصان پہنچا۔ درجنوں بستیوں، اسکولوں اور بنیادی صحت کے مراکز میں بھی پانی داخل ہوگیا۔