سید علی گیلانی کی پہلی برسی پر فواد حسن فواد کا خراج عقیدت

سابق وزیراعظم نواز شریف کے سابق پرنسپل سیکریٹری فواد حسن فواد نے حریت رہنما سید علی گیلانی کی پہلی برسی پر انہیں خراجِ عقیدت پیش کیا ہے۔ 

مائیکرو بلاگنگ ویب سائٹ ٹوئٹر پر اپنے پیغام میں فواد حسن فواد نے تحریر کیا کہ سيد علی گيلانی کی برسی اس بات کی شہادت ہے کہ کچھ لوگ اپنے بےداغ کردار اور بےمِثل جدوجہد سے وہ مقام پا ليتے ہيں جس پر طبعی زندگی کا خاتمہ بھی کوئی اثر نہيں ڈالتا۔

انہوں نے یہ بھی تحریر کیا کہ تحريکِ آزادی کشمير کی تيز تر ہوتی ہوئی لو اُن کی روحانی زندگی کی دليل ہے۔

فواد حسن فواد نے اپنے پیغام میں سینئر حریت رہنما سید علی گیلانی کے لیے دعائے مغفرت بھی کی۔