-
فرمان الہی
-
نماز کے اوقات
- جمعہ یکم؍ذیقعد 1445ھ 10؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
ہیڈ کوچ پاکستان کرکٹ ٹیم ثقلین مشتاق نے کہا ہے کہ سپر فور میچ کے دوران بھارتی ٹیم کی حکمت عملی کا ہمیں پتہ چل گیا تھا۔
شارجہ میں پریس کانفرنس کرتے ہوئے ثقلین مشتاق کا کہنا تھا کہ بھارت نے شروع میں بھرپور اٹیک کیا، ان کی اس حکمت عملی کا ہمیں پتہ چل گیا تھا۔
انہوں نے بتایا کہ پاکستان کے بولرز نے شاندار کم بیک کیا، کپتان بابر اعظم نے اٹیک کرنے کی حکمت عملی اپنائی۔
پاکستانی ہیڈ کوچ کا کہنا تھا کہ بھونیشور کمار پر اٹیک کیا، پاکستان کے بیٹرز نے شاندار حکمت عملی پر کام کیا۔
انہوں نے کہا کہ یہ بات درست ہے کہ بھارت کے اٹیک پلان پر ہم نے بھی اٹیک کیا جو شاندار رہا۔
محمد رضوان کے حوالے سے بات کرتے ہوئے ثقلین مشتاق کا کہنا تھا کہ محمد رضوان سپر انسان ہیں، فٹنس کے مسائل چلتے رہتے ہیں، اللّٰہ اس کو بری نظر سے بچائے۔
قومی ٹیم کے ہیڈ کوچ نے کہا کہ پاکستان دور نہیں ضرورت پڑتی تو دوسرا وکٹ کیپر بلا لیتے لیکن اس کی ضرورت نہیں پڑی۔
فخر زمان سے متعلق ثقلین مشتاق کا کہنا تھا کہ فخر زمان فائٹر ہے، ہمیں اس کی صلاحیتیوں پر کوئی شک نہیں وہ میچ ونر ہے، آئندہ میچز میں وہ کم بیک کریں گے۔
انہوں نے حسن علی سے متعلق کہا کہ وہ میچ ونر ہیں وہ ٹیم میں انرجی لاتے ہیں، دیکھتے ہیں کہ ان کی کب ضرورت پڑتی ہے اور کب انہیں کھلایا جاتا ہے۔
پاکستانی ٹیم کے ہیڈ کوچ کا کہنا تھا کہ چھوٹے فارمیٹ میں کوئی ٹیم آسان نہیں ہوتی، افغانستان نے پہلے مرحلے میں اچھی کرکٹ کھیلی۔
قومی ٹیم کے کپتان بابر اعظم سے متعلق ثقلین نے کہا کہ وہ ورلڈ کلاس بیٹر ہے، دو تین میچز میں ان کے نہ چلنے سے دیگر بیٹنگ لائن اپ میں نئی روح پھونک دی ہے۔
انہوں نے کہا کہ کھلاڑی جو کھیل رہے ہیں وہ اچھا کر رہے ہیں اس کے علاوہ اسی پلان کے مطابق چل رہے ہیں، بینچ پر بیٹھے ہوئے کھلاڑی بھی باصلاحیت ہیں اس میں کوئی شک نہیں۔
بھارتی کرکٹ ٹیم کے سابق کپتان ویرات کوہلی کے حوالے سے ثقلین مشتاق کا کہنا تھا کہ ویرات کوہلی نے دنیا پر راج کیا ہے، وہ ٹاپ کلاس کھلاڑی ہیں، میں خوش ہوں کہ وہ اچھا کھیل رہے ہیں۔
انہوں نے کہا کہ ہم نے پہلے میچ میں ویرات کوہلی کو آؤٹ بھی کیا۔ وہ کچھ عرصہ تک رنز نہیں کر سکے اب کر رہے ہیں تو اس کی خوشی ہے۔
