اصل ہدف ورلڈ کپ میں اچھے برانڈ کی کرکٹ کھیلنا ہے، اظہر محمود

09 مئی ، 2024

پاکستان کرکٹ ٹیم کے قائم مقام ہیڈ کوچ اظہر محمود نے کہا ہے کہ ہمارا اصل ہدف ورلڈ کپ میں اچھے برانڈ کی کرکٹ کھیلنا ہے۔

ڈبلن (آئرلینڈ) میں میڈیا سے بات چیت میں اظہر محمود کا کہنا تھا کہ آج ٹریننگ سیشن کافی اچھا رہا، ہلکی پھلکی ٹریننگ کی کیونکہ کل میچ کھیل رہے ہیں۔

اظہر محمود نے کہا کہ لاہور میں کافی محنت کی تھی، آج اس کو ٹاپ اپ کیا ہے، تمام پلیئرز کا مورال بلند ہے۔

انکا کہنا تھا کہ آئرلینڈ کو اپنی کنڈیشن کا اندازہ ہے، آئرلینڈ کے پلیئرز کو کاؤنٹی کا بھی تجربہ ہے، اس کو کمزور حریف نہیں سمجھیں گے۔

قائم مقام ہیڈ کوچ نے کہا کہ ہمیں اپنی اسٹرینتھ پر پورا بھروسہ ہے، ہمیں اپنے کامبی نیشن کا پتہ ہے، معلوم ہے کہ ہمارے اوپنر کون ہوں گے۔

انکا کہنا تھا کہ ہمیں پاور پلے اچھا کھیلنا ضروری ہے، پلیئرز نے اس کی پریکٹس کی ہے۔ ہم نے مڈل اوورز کی تیاری کی ہے، اب اس تیاری پر عملدرآمد کا وقت ہے۔

اظہر محمود نے کہا کہ ہمارے بولرز کافی اچھے ردھم میں ہیں، نیٹس پر بولرز نے اچھی بولنگ کی ہے۔

انکا کہنا تھا کہ ہمارا اصل ہدف ورلڈ کپ میں اچھے برانڈ کی کرکٹ کھیلنا ہے۔

کھیلوں کی خبریں سے مزید

پاکستان کرکٹ ٹیم کے ہیڈ کوچ گیری کرسٹن کی کھلاڑیوں اور مینجمنٹ سے ملاقات