• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تاریخ شہید مرتضیٰ بھٹو کو ہیرو کے طورپر یاد رکھے گی، آصف زرداری، بلاول کا 26 ویں یوم شہادت پر خراج عقیدت

آج کا اخبار
ملک بھر سے
20 ستمبر ، 2022
لاہور(سپیشل رپورٹر) سابق صدر مملکت و پاکستان پیپلزپارٹی پارلیمنٹیرینز کے صدر آصف علی زرداری اورپاکستان پیپلز پارٹی کے چیئرمین بلاول بھٹو زرداری نے میر مرتضیٰ بھٹو کو 26ویںیوم شہادت پر خراج عقیدت پیش کرتے ہوئے کہا ہے کہ تاریخ شہید میر مرتضیٰ بھٹو کو ہیرو کے طورپر یاد رکھے گی کہ انہوں نے آمروں کے سامنے سر نہیںجھکایا وہ بہادر اور جمہوریت پسند رہنما تھے۔آصف زرداری نے کہا کہ قاتلوں نے مرتضیٰ بھٹو کے قتل کیلئے کمال کی منصوبہ بندی کی تھی کہ قتل بھی محترمہ بینظیر بھٹو شہید کے بھائی کا ہوا اور حکومت بھی ان کی ختم کرکے انہیں سیاست سے بیدخل کرنے کی کوشش کی گئی تھی۔ دنیا مرتضیٰ بھٹو شہید کو ایک حریت پسند کے طور پریاد رکھے گی۔ بلاول بھٹو نے کہا کہ بہیمانہ قتل ایک سازش تھی کہ ایک بھٹو کو نشانہ بنانے کیلئے دوسرے بھٹو کو قتل کردو۔ شہید میر مرتضیٰ بھٹو کا عزم و استقلال اور جمہوری جدوجہد ہر سیاسی کارکن کے لیے مشعلِ راہ ہے۔
ملک بھر سے سے مزید