روسی طیارہ سیلاب زدگان کیلئے امداد لے کر کراچی پہنچ گیا

روس کا طیارہ پاکستان کے سیلاب زدگان کے لیے امداد لے کر کراچی پہنچ گیا ہے۔

روس نے پاکستان کے سیلاب زدگان کے لیے 2 کروڑ روبیل سے زائد مالیت کی امداد ارسال کی ہے۔

ای سی سی اجلاس میں سیلاب متاثرین کےلیے 10 ارب کے فنڈز کی منظوری

اقتصادی رابطہ کمیٹی (ای سی سی) نے سیلاب متاثرین کے لیے نیشنل ڈیزاسٹر مینجمنٹ اتھارٹی (این ڈی ایم اے) کو 10 ارب روپے فنڈ دینے کی منظوری دے دی۔

پاکستان کے سیلاب زدگان کے لیے امداد روس کی سول ڈیفنس اور ہنگامی صورتحال سے نمٹنے کی وزارت نے بھیجی ہے۔

روس سے کراچی پہنچنے والی امداد میں 5 میٹرک ٹن چاول اور 5 میٹرک ٹن سورج مکھی کا تیل شامل ہے۔

روسی امداد میں ڈبوں میں پیک دودھ، گوشت، خیمے اور پانی صاف کرنے کے لیے 56 فلٹر شامل ہیں۔

کراچی میں روسی قونصل جنرل آندرے وکٹورووچ نے امداد پاکستانی حکام کے حوالے کی۔

اس موقع پر روسی قونصلر دیمتری سمیت دیگر حکام بھی ایئرپورٹ پر موجود تھے۔