فرمان الہی
نماز کے اوقات
تحریک انصاف کے رہنما شاہ محمود قریشی نے وزیراعظم شہباز شریف کی تقریر پر ردعمل دیتے ہوئے کہا ہے کہ وزیراعظم نے اچھا کیا کہ سیلابی تباہ کاریوں کے ساتھ ترقی یافتہ ممالک کو ان کی ذمہ داریاں بتائیں، سوال یہ پیدا ہوتا ہے کہ خود وزیراعظم اور ان کی حکومت نے اس سلسلے میں کیا کیا؟
شاہ محمود قریشی نے کہا کہ 4 دہائیوں میں انہوں نے پانی ذخیرہ کرنے کی جگہیں بنائی ہوتی تو یہ تباہی نہ ہوتی۔ یہ پانی جو آج ہمیں تباہ کر رہا ہے یہ استعمال کے لیے جمع ہوتا۔ یہ پانی کم پانی والے علاقوں میں کاشت کے کام آتا۔
پی ٹی آئی رہنما کا کہنا تھا کہ عمران خان کے سونامی بلین ٹری کو پوری دنیا نے سراہا۔
شاہ محمود قریشی نے مزید کہا کہ لگتا یہی ہے کہ انہوں نے ہماری کوئی پرانی تقریر اٹھا کر کاپی پیسٹ کی ہے۔
انہوں نے کہا کہ کشمیر پر وزیراعظم نے وہی کہا جو عمران خان کہتے رہے ہیں، عمران خان نے 5 اگست کے یکطرفہ بھارتی اقدامات کی واپسی کا کہا تھا، افغانستان پر بھی انہوں نے وہی کہا جو تحریک انصاف کا مؤقف رہا ہے۔
