ثقلین مشتاق قومی ٹیم کے مڈل آرڈر کے حق میں بول پڑے

پاکستان کرکٹ ٹیم کے ہیڈ کوچ ثقلین مشتاق قومی ٹیم کی تیسرے ٹی ٹوئنٹی میچ میں شکست کے بعد ٹیم کے مڈل آرڈر کے حق میں بول پڑے۔

کراچی میں پریس کانفرنس کرتے ہوئے ہیڈ کوچ ثقلین مشتاق نے کہا کہ یہ قدرت کا نظام ہے، کبھی جیتیں کبھی ہاریں۔

ثقلین مشتاق کا کہنا ہے کہ یہ مڈل آرڈر ہمارا ہے، ہمیں اس کو سپورٹ کرنا ہے، آپ مڈل آرڈر پر مسلسل بات کر کے ہمارے ذہن کو متاثر کر رہے ہیں۔

تیسرے ٹی ٹوئنٹی میں انگلینڈ کامیاب، سیریز میں 1-2 کی برتری

اس میچ میں پاکستان نے وننگ کمبی نیشن برقرار رکھا ہے اور ٹیم میں کوئی تبدیلی نہیں کی گئی۔

انہوں نے کہا کہ بار بار مڈل آرڈر پر بات کر کے کھلاڑیوں کا اعتماد خراب کیا جا رہا ہے۔

قومی ٹیم کے ہیڈ کوچ کا کہنا ہے کہ کل ہم جیتے آج وہ، جس روز جس کے پلان چلیں گے وہ کامیاب ہوگا۔

واضح رہے کہ تیسرے ٹی ٹوئنٹی میچ میں انگلینڈ کی ٹیم نے پاکستان کو شکست دے کر سیریز میں 1-2 کی برتری حاصل کرلی ہے۔