کراچی کے علاقے سرجانی ٹاؤن سے 15 ستمبر کو اغواء ہونے والی 12 سالہ لڑکی کو پولیس نے پنجاب کے شہر لودھراں سے بازیاب کر لیا۔
پولیس کے مطابق سرجانی ٹاؤن کے سیکٹر 35 سی سے 15 ستمبر کو لاپتہ ہونے والی 12 سالہ لڑکی کو سرجانی ٹاؤن تھانے کی انویسٹی گیشن پولیس نے پنجاب کے شہر لودھراں میں کارروائی کر کے بازیاب کرایا ہے۔
لڑکی کو 25 سالہ ملزم شہباز نے شادی کرنے کی غرض سے اغواء کیا تھا جو پولیس کی کارروائی کے دوران فرار ہو گیا۔
پولیس نے ملزم شہباز کے بھائی سمیت 4 رشتے داروں کو اغواء میں ملوث ہونے کے الزام میں گرفتار کر لیا ہے۔