• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: چینی باشندوں پر فائرنگ کا مقدمہ درج

تازہ ترین
قومی خبریں
29 ستمبر ، 2022
جنگ فوٹو
جنگ فوٹو

کراچی کے علاقے صدر میں واقع ڈینٹل کلینک میں چینی باشندوں پر فائرنگ کے واقعے کا مقدمہ درج کر لیا گیا۔

مقدمہ سی ٹی ڈی تھانے میں ایس ایچ او پریڈی کی مدعیت میں درج کیا گیا ہے۔

مقدمے میں قتل اور دہشت گردی کی دفعات شامل کی گئی ہیں۔

چینی دندان ساز کے کلینک میں فائرنگ کی ویڈیو سامنے آگئی

صدر کے ڈینٹل کلینک میں ملزم مریض بن کر آیا اور باری آنے پر ڈاکٹر اور عملے پر فائرنگ کردی۔

مقدمے کے متن کے مطابق فائرنگ کا واقعہ گزشتہ روز پیش آیا تھا۔

پولیس کے مطابق فائرنگ میں 1 چینی باشندہ ہلاک اور 2 زخمی ہوئے تھے۔

پولیس کا یہ بھی کہنا ہے کہ جائے وقوع سے 9 ایم ایم پستول کے 4 خول اور 3 سکے ملے ہیں، پولیس واقعے کی تفتیش کر رہی ہے۔

واردات کی سی سی ٹی وی ویڈیو میں کالے کپڑے اور لال ٹوپی پہنے شخص کو فائرنگ کرتے دیکھا جا سکتا ہے۔

پولیس کا کہنا ہے کہ فائرنگ سے ڈاکٹر ایچ یو رچرڈ کا ملازم رونالڈ ہلاک ہوا، فائرنگ سے ہلاک اور زخمی ہونے والے افراد کی دہری شہریت ہے۔

قومی خبریں سے مزید