ریچا چڈھا اور علی فضل کی شادی کی تقریبات کا آغاز مہندی سے ہوگیا

بالی ووڈ کی پرکشش اداکارہ ریچا چڈھا اور اداکار علی فضل کی شادی کی تقریبات کا آغاز گزشتہ روز مہندی اور سنگیت کی شاندار تقریب سے ہوگیا۔

فوٹو اینڈ ویڈیو شیئرنگ پلیٹ فارم پر علی فضل کی بہن ٹیولپ فضل نے مہندی اور سنگیت کی تقریب سے ایک ویڈیو مداحوں کے ساتھ شیئر کی جس میں قریبی دوست احباب نے شرکت کی۔

ویڈیو میں اداکار علی فضل کو اپنی بہن ٹیولپ فضل کے ساتھ ’’تو میرا ہیرو‘‘ گانے پر ڈانس کرتے دیکھا جاسکتا ہے، دونوں بہن بھائی اس موقع پر انتہائی خوش دکھائی دے رہے ہیں۔

گانے کے اختتام پر ٹیولپ فضل بھائی کو گلے لگا کر شادی کی مبارک باد دیتی ہوئی دکھائی دے رہی ہیں۔

مہندی کی تقریب میں علی افضل سفید رنگ کے روایتی لباس انگرکھا میں ملبوس نظر آرہے ہیں جو ابو جانی اور سندیپ کھوسلہ نے ڈیزائن کیا ہے۔ جبکہ اداکارہ ریچا چڈھا نے ہلکی گلابی رنگ کا راہول مشرا کا ڈیزائن کئے ہوئے لباس کا انتخاب کیا ہے۔

ریچا چڈھا اور علی فضل کا شادی سے قبل مداحوں کیلئے خصوصی پیغام

بالی ووڈ کی پرکشش اداکارہ ریچا چڈھا اور اداکار علی فضل نے شادی سے قبل اپنے مداحوں کے لیے خصوصی پیغام شیئر کیا ہے۔

اداکارہ ریچا چڈھا اور اداکار علی فضل کی شادی 4 اکتوبر کو ممبئی میں قریبی رشتہ داراور دوست احباب کی موجودگی میں ہوگی۔