پاکستان کرکٹ ٹیم کے نائب کپتان شاداب خان کا کہنا ہے کہ میری انجری سنجیدہ نوعیت کی نہیں، احتیاطاً بیٹنگ کے لیے نہیں آیا۔
پاک انگلینڈ ٹی ٹوئنٹی سیریز کے آخری میچ میں شکست کے بعد جیو نیوز سے بات کرتے ہوئے شاداب خان نے کہا کہ انگلینڈ نے پازیٹو اور اٹیکنگ کرکٹ کھیلی جس کا انہیں فائدہ ہوا۔
شاداب خان نے کہا کہ پاکستان ٹیم اٹیکنگ کرکٹ کھیلنے میں پیچھے ہے، ڈومیسٹک سے بھی ایسے پلیئرز نہیں آ رہے ہیں۔
انہوں نے کہا کہ مڈل آرڈر بھی اس طرح نہیں کھیل رہا جس کی توقع کی جاتی ہے۔