موسے والا قتل کیس کا اہم ملزم پولیس حراست سے فرار

بھارتی گلوکار سدھو موسے والا کے قتل میں ملوث گرفتار اہم ملزم گزشتہ روز پولیس حراست سے فرار ہوگیا۔

لارنس بشنوئی نے سدھو موسے والا کے قتل کا اعتراف کرلیا

گینگسٹر لارنس بشنوئی نے بھارت کے معروف پنجابی گلوکار شبھ دیپ سنگھ سدھو عرف سدھو موسے والا کے قتل کی منصوبہ بندی کرنے کا اعتراف کرلیا ہے۔

گرفتار ملزم دیپک تینو کا تعلق گلوکار کے قتل میں ملوث مبینہ گینگسٹر لارنس بشنوئی کے قریبی ساتھیوں میں سے ہے۔

بھارتی میڈیا رپورٹس کے مطابق پولیس کا کہنا ہے کہ ملزم تینو دیپک پنجاب کی منسا پولیس کے کرائم انویسٹی گیشن ایجنسی (سی آئی اے) یونٹ کی حراست سے فرار ہوا ہے۔

سدھو موسے والا کا قاتل شوٹر پکڑا گیا

بھارتی میڈیا کے مطابق پونے پولیس کی جانب سے تا حال مزید معلومات شیئر نہ کرنے کا فیصلہ کیا گیا ہے۔

پولیس ذرائع کے مطابق ملزم کے فرار ہونے پر ڈیوٹی پر تعنات انچارج پرتپال سنگھ کے خلاف ایف آئی آر درج کرکے اسے معطل کردیا گیا ہے۔

پولیس کا کہنا ہے کہ ملزم کو دوبارہ گرفتار کرنے کے لیے نئی ٹیم تشکیل دے دی گئی ہے۔

سدھو موسے والا کے قاتل کی سی سی ٹی وی فوٹیج منظرِ عام پر

بھارتی پنجابی گلوکار شبھ دیپ سنگھ سدھو عرف سدھو موسے والا کے قتل کے بعد کی نئی سی سی ٹی وی فوٹیج سامنے آگئی جس میں دکھایا گیا ہے کہ کس طرح حملہ آور گلوکار کو قتل کرنے کے بعد فرار ہو رہے تھے۔

واضح رہے کہ پنجاب پولیس ملزم کو چار جولائی کو راہداری ریمانڈ پر تہاڑ جیل سے دہلی لائی تھی۔

یاد رہے کہ رواں برس مئی میں معروف گلوکار اور سیاستدان سدھو موسے والا کو اپنے گھر کے قریب قتل کردیا گیا تھا۔

قتل کے الزام میں اب تک 30 افراد کو شناخت کیا گیا ہے جن کا تعلق بشنوئی گروپ سے ہے جبکہ اب تک 24 افراد کو قتل کے کیس میں گرفتار کیا گیا ہے۔