اماراتی کرکٹر نے محمد عامر کا ریکارڈ توڑ دیا

متحدہ عرب امارات کے کرکٹر ایان خان نے پاکستان کے فاسٹ بولر محمد عامر کا ریکارڈ توڑ دیا۔

ایان خان نے آسٹریلیا میں کھیلے جا رہے ٹی ٹوئنٹی ورلڈ کپ میں نیا ریکارڈ قائم کر دیا۔

یو اے ای کے 16 سالہ بولنگ آل راؤنڈر ایان خان ٹی ٹوئنٹی ورلڈ کپ کھیلنے والے کم عمر ترین کھلاڑی بن گئے۔

ٹی20 ورلڈکپ: نیدرلینڈز نے یو اے ای کو ہرادیا

ٹی ٹوئنٹی ورلڈ کپ کے کوالیفائنگ راؤنڈ کے دوسرے میچ میں متحدہ عرب امارات (یو اے ای) نے نیدرلینڈز کو جیت کے لیے 112 رنز کا ہدف دے دیا۔

ایان خان نے گزشتہ روز 16 سال اور 335 دن کی عمر میں نیدرلینڈز کے خلاف ڈیبیو کیا تھا۔

اس سے قبل یہ اعزاز محمد عامر کے پاس تھا، جنہوں نے 17 سال کی عمر میں ٹی ٹوئنٹی ورلڈ کپ میں ڈیبیو کیا تھا۔

واضح رہے کہ ٹی ٹوئنٹی ورلڈکپ 2022 کے کوالیفائنگ راؤنڈ کے دوسرے میچ میں سنسنی خیز مقابلے کے بعد نیدرلینڈز نے متحدہ عرب امارات (یو اے ای) کو 3 وکٹوں سے شکست دی تھی۔