• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان اور اے ڈی بی میں 1.5 بلین ڈالر قرض کا معاہدہ

تازہ ترین
قومی خبریں
24 اکتوبر ، 2022
پاکستان اور اے ڈی بی میں 1.5 بلین ڈالر قرض کا معاہدہ

پاکستان اور ایشین ڈیولپمنٹ بینک (اے ڈی بی) کے درمیان 1.5 بلین ڈالر قرض کا معاہدہ ہوگیا۔

اے ڈی بی کے بریس پروگرام کے تحت پاکستان کو قرض کی فراہمی معاہدے پر دستخط کی تقریب ہوئی۔

معاہدے پر سیکریٹری اقتصادی امور کاظم نیاز اور کنٹری ڈائریکٹر اے ڈی بی یونگ ی نے دستخط کیے۔

تقریب میں وزیراعظم شہباز شریف، وزیر خزانہ اسحاق ڈار، وفاقی وزیر سردار ایاز صادق اور ڈائریکٹر جنرل اے ڈی بی یوجین زوخوف موجود تھے۔

وزیراعظم نے اے ڈی بی کے بریس پروگرام معاہدے اور اقتصادی بحالی میں ترقیاتی شراکت داروں کے کردار کو سراہا ۔

شہباز شریف نے اس موقع پر 1.5 بلین ڈالر کی بجٹ سپورٹ کی منظوری پر ایشین ڈیولپمنٹ بینک کے بورڈ کا شکریہ ادا کیا۔

ان کا کہنا تھا کہ اے ڈی بی کا یہ قرض پاکستان کی معاشی مشکلات کم کرنے میں مدد دے گا۔

تقریب سے خطاب میں نائب صدر اے ڈی بی نے کہا کہ بینک کے بورڈ نے گزشتہ جمعے کو رقم کی منظوری دی تھی، اس اقدام کا مقصد پاکستان کی معیشت کو درپیش مشکلات کا ازالہ کرنا ہے۔

قومی خبریں سے مزید