فرمان الہی
نماز کے اوقات
پاکستان کرکٹ ٹیم کے سابق کپتان معین خان نے کہا ہے کہ اگر بارش نہ ہوتی تو انگلینڈ آج کا میچ جیت سکتا تھا۔
جیو نیوز کے پروگرام ’جشن کرکٹ‘ میں معین خان اور عماد وسیم نے اداکار و گلوکار فرحان سعید کے ہمراہ شرکت کی۔
معین خان نے کہا کہ میچ کا دباؤ بہت ہوتا ہے، آئرلینڈ کی ٹیم اچھی نہیں مگر اُنہوں نے بہت اچھا کھیلا۔
ان کا کہنا تھا کہ سب سے اہم چیز میچ جیتنا ہوتا ہے، رن ریٹ اتنی اہمیت نہیں رکھتا، بارش کے سبب میچ نہ ہونے سے افغانستان کو فائدہ ہوگا۔
سابق کپتان نے مزید کہا کہ پلان تو بہت بنتے ہیں مگر کبھی کچھ چیزیں ہاتھ میں نہیں ہوتیں۔
عماد وسیم نے کہا کہ انگلینڈ کے خلاف آئرلینڈ نے بہت زبردست کرکٹ کھیلی۔
