فرمان الہی
نماز کے اوقات
پاکستان تحریکِ انصاف کے رہنما اسد عمر نے کنٹینر پر کھڑے ہو کر حماد اظہر سے بحث کرتے ہوئے اپنی وائرل ہونے والی ویڈیو پر وضاحت دی ہے۔
واضح رہے کہ گزشتہ رات پی ٹی آئی کے لانگ مارچ کے دوران کنٹینر پر اسد عمر اور حماد اظہر کی آپس میں بحث کرتے ہوئے کی ایک ویڈیو سوشل میڈیا پر زیرِ گردش ہے۔
وائرل ویڈیو میں اسد عمر اور حماد اظہر کو بحث کرتے دیکھا جا سکتا ہے جس پر تبصرہ کرتے ہوئے سوشل میڈیا صارفین دعویٰ کر رہے تھے کہ یہ بحث پی ٹی آئی رہنماؤں کے درمیان مارچ میں شرکاء کی کم تعداد کے سبب ہو رہی ہے۔
سابق وفاقی وزیر اسد عمر نے اس وائرل ویڈیو سے متعلق جیونیوز سے خصوصی گفتگو اور سماجی رابطے کی ویب سائٹ ٹوئٹر پر ایک بیان جاری کیا ہے۔
اسد عمر کا اپنے ٹوئٹ میں لکھنا ہے کہ معاملہ جنریٹر کی خرابی کے باعث پیش آیا، دوسرا جنریٹر مارچ میں شریک گاڑیوں کی وجہ سے پہنچ نہیں سکا تھا، جنریٹر کو کنٹینر تک پہنچانے میں تاخیر کا سامنا کرنا پڑ رہا تھا۔
جیو نیوز سے بات کرتے ہوئے اسد عمر کا کہنا تھا کہ ہم لاہوریوں کا جوش اور جذبہ دیکھ کر بہت خوش تھے۔
