فرمان الہی
نماز کے اوقات
چیئرمین پی ٹی آئی عمران خان کی قیادت میں لانگ مارچ رواں دواں ہے جس میں مولانا فضل الرحمٰن کی ڈمی نے بھی شرکت کی ہے۔
گزشتہ رات سے سوشل میڈیا پر لانگ مارچ سے وائرل ہوتی ویڈیو میں مولانا فضل الرحمٰن کی ڈمی کو خوشگوار موڈ میں دیکھا جا سکتا ہے۔
مولانا فضل الرحمٰن کا روپ دھارے شخص کا لانگ مارچ کے شرکاء سے اٹھکھیلیاں کرتے ہوئے کہنا ہے کہ لانگ مارچ دیکھنے آیا ہوں، آپ سب کا جوش و جذبہ ٹُھس ہے۔
ایک سوال کے جواب میں مولانا کی ڈمی کا کہنا ہے کہ ہاں میں نے پی ٹی آئی جوائن کرلی ہے۔
مولانا کی ڈمی کا مزید کہنا ہے کہ اس لانگ مارچ میں پی ٹی آئی سے زیادہ ہماری پارٹی کے شرکاء موجود ہیں، لانگ مارچ کے انتظامات بہت خراب ہیں، پانی تک نہیں پوچھا گیا ہے مجھ سے۔
وائرل ویڈیو میں دیکھا جا سکتا ہے کہ مولانا فضل الرحمٰن نے اپنی دلچسپ باتوں سے لانگ مارچ کے شرکاء کو ہنسنے پر مجبور کر دیا ہے۔
