مسجد نبویؐ واقعہ: ویڈیو میں موجود افراد کا ریکارڈ پیش کرنے کا حکم

لاہور ہائی کورٹ راولپنڈی بینچ نے عوامی مسلم لیگ کے سربراہ شیخ رشید کے خلاف مسجدِ نبویﷺ واقعے پر اٹک میں درج ایف آئی آر خارج کرنے کی درخواست پر سماعت کرتے ہوئے ایک ہفتے میں واقعے کی فوٹیج میں نظر آنے والے تمام افراد کا ریکارڈ پیش کرنے کا حکم دے دیا۔

عدالتِ عالیہ کے جسٹس چوہدری عبدالعزیز نے درخواست پر سماعت کی۔

دورانِ سماعت شیخ رشید اپنے وکیل سردار عبد الرزاق کے ہمراہ، اسسٹنٹ ایڈووکیٹ جنرل پنجاب زاہد انور اور مدعیٔ مقدمہ عدالت میں پیش ہوئے۔

مسجدِ نبویؐ واقعے کے ملزمان کی گرفتاری کیلئے 4 دن کی مہلت

لاہور ہائی کورٹ کے راولپنڈی بینچ نے مسجدِ نبوی ﷺ واقعے کے ملزمان کو گرفتار کرنے کے لیے 4 دن کی مہلت دے دی۔

عدالت نے استفسار کیا کہ مسجد نبویؐ واقعے پر درج ایف آئی آر کے دیگر ملزمان کے خلاف کیا کارروائی کی گئی؟

تفتیشی افسر نے عدالت کو جواب دیا کہ ان میں سے کچھ لوگ ملک سے باہر ہیں۔

عدالت نے حکم دیا کہ ان کے خلاف کارروائی کے لیے آپ کیا کر رہے ہیں؟ ان کے وارنٹ اور اشتہار جاری کرائیں۔

اسسٹنٹ ایڈووکیٹ جنرل پنجاب زاہد انور نے عدالت کو بتایا کہ شیخ رشید کا اس واقعے سے کوئی تعلق نہیں، ان کی ٹریول ہسٹری کے مطابق وہ اس وقت پاکستان میں تھے۔

جسٹس چوہدری عبدالعزیز نے کہا کہ میں اس پر نہیں جا رہا کہ بندہ پاکستان میں ہے یا نہیں، ایک ہفتے میں مسجدِ نبویؐ واقعے کی فوٹیج میں نظر آنے والے تمام افراد کا ریکارڈ پیش کریں۔

مسجد نبوی میں نازیبا الفاظ کا الزام، 5 پاکستانی شہری مدینہ منورہ میں گرفتار

مسجد نبوی صلی اللہ علیہ وسلم کے احاطے میں نازیبا الفاظ کے الزام میں 5 پاکستانی شہری گرفتار کرلیے گئے۔

لاہور ہائی کورٹ راولپنڈی بینچ نے قرار دیا ہے کہ مسجد نبویﷺ واقعے میں ملوث دیگر ملزمان کی گرفتاری تک شیخ رشید کا مقدمہ خارج نہیں کریں گے۔

عدالتِ عالیہ نے کیس کی سماعت 16 نومبر تک ملتوی کر دی۔