فرمان الہی
نماز کے اوقات
پاکستان ویمن کرکٹ ٹیم نے آئرلینڈ کو دوسرے ون ڈے میچ میں 9 وکٹ سے شکست دے کر سیریز میں دو صفر سے برتری حاصل کرلی۔
لاہور کے قذافی اسٹیڈیم میں 195 رنز کا ہدف پاکستان ویمن نے 33 ویں اوور میں ایک وکٹ پر حاصل کیا۔
پاکستان کی سدرہ امین نے91 اور بسمہ معروف نے 69 رنز کی ناقابل شکست اننگز کھیلیں۔
آئرلینڈ کی ویمن کرکٹ ٹیم پاکستان کے خلاف ٹاس جیت کر پہلے بیٹنگ کرتے ہوئے 2 .47 اوورز میں 194 رنز بنا کر آؤٹ ہوگئی تھی۔
میچ میں آئرلینڈ کی جانب سے میری ویلڈرون 35 اور آرلین کیلی 34 رنز بنا کر نمایاں رہیں۔
پاکستان ویمن ٹیم کی نشرح سندھو اور غلام فاطمہ نے تین تین وکٹیں حاصل کیں۔
پاکستان کی عالیہ ریاض اور سدرہ امین نے اپنا 50 واں انٹرنیشنل میچ کھیلا۔
اس سے قبل پاکستان ویمن کرکٹ ٹیم نے 3 ایک روزہ میچز کی سیریز کے پہلے میچ میں آئرلینڈ ویمن ٹیم کو 128 رنز سے شکست دی تھی۔
