گیس کی قیمت بڑھانے کی درخواست پر اوگرا کی سماعت مکمل

آئل اینڈ گیس ریگولیٹری اتھارٹی (اوگرا) نے سوئی ناردرن کی گیس کی قیمت میں اضافے کی درخواست پر سماعت مکمل کرلی۔

ترجمان اوگرا کے مطابق سوئی ناردرن کی گیس قیمت میں اضافے کی درخواست پر فیصلہ بعد میں جاری کیا جائے گا۔

عالمی کمپنیوں کی پاکستان کو ایل این جی بیچنے میں عدم دلچسپی

عالمی کمپنیاں پاکستان کو ایل این جی فروخت کرنے میں دلچسپی نہیں دکھا رہیں، جس کے بعد سردیوں میں گیس کا بحران مزید سنگین ہونے کا خدشہ پیدا ہوگیا ہے۔

ترجمان کے مطابق سوئی ناردرن کی گیس قیمت اضافے کی درخواست پر سماعت لاہور میں ہوئی۔

اوگرا ترجمان کے مطابق سوئی ناردرن نے گیس قیمت میں اوسطاً 1294 روپے فی ایم ایم بی ٹی یو اضافہ مانگ رکھا تھا۔

ترجمان کے مطابق سوئی ناردرن نے رواں مالی سال کا خسارہ 178 ارب 81 کروڑ روپے بتایا ہے جبکہ گزشتہ سال کی مد میں بھی 295 ارب 26 کروڑ روپے کا خسارہ شامل کیا گیا ہے۔