• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فلم ’جوائے لینڈ‘ کیخلاف شکایات پر کمیٹی تشکیل

تازہ ترین
انٹرٹینمنٹ
15 نومبر ، 2022
فلم ’جوائے لینڈ‘ کیخلاف شکایات پر کمیٹی تشکیل

وزیر اعظم شہباز شریف نے فلم جوائے لینڈ کے خلاف شکایات پر غور کے لیے 8 رکنی کمیٹی تشکیل دے دی۔

وزیر قانون کی سربراہی میں 8 رکنی کمیٹی میں اطلاعات، مواصلات، سرمایہ کاری، آئی ٹی کے وزراء شامل ہیں۔

مشیر برائے گلگت بلتستان، چیئرمین پی ٹی اے اور چیئرمین پیمرا بھی کمیٹی میں شامل ہیں۔

یہ کمیٹی فلم کی سماجی اور اخلاقی اقدار کے خلاف شکایات پر غور کرے گی۔

وزیراعظم نے کمیٹی کو آج رپورٹ پیش کرنے کی ہدایت کر رکھی ہے۔

فلم ’جوائے لینڈ‘ کا پہلا ٹیزر جاری کردیا گیا

عالمی ایوارڈ یافتہ پاکستانی فلم ’جوائے لینڈ ‘کا پہلا ٹیزر جاری کردیا گیا، فلم 18 نومبر کو پاکستان بھر میں ریلیز کی جائے گی۔

فلم کی کاسٹ میں سرمد کھوسٹ، ثروت گیلانی، علینا خان، سہیل سمیر، سلمان پیر، ثانیہ سعید، کنول کھوسٹ، زویا احسن، ثنا جعفری اور قاسم عباس سمیت دیگر اداکار شامل ہیں۔

واضح رہے کہ بین الاقوامی ایوارڈ یافتہ فلم ’جوائے لینڈ‘ پاکستان میں ریلیز سے قبل تنقید کی زد میں آگئی تھی، جس کے باعث 18 نومبر کو پاکستان میں ریلیز ہونے والی اس فلم کی نمائش کھٹائی میں پڑتی نظر آ رہی ہے۔

انٹرٹینمنٹ سے مزید