لانگ مارچ کہاں ختم ہوگا؟ شاہ محمود جواب دیے بغیر چل دیے

16 نومبر ، 2022

پاکستان تحریک انصاف (پی ٹی آئی) کا لانگ مارچ راولپنڈی پہنچ کر ختم ہوگا یا اسلام آباد تک جائے گا؟ شاہ محمود قریشی جواب دیے بغیر چلے گئے۔

زمان پارک لاہور میں چیئرمین پی ٹی آئی عمران خان کی زیر صدارت اجلاس کے بعد اسد عمر کے ہمراہ شاہ محمود قریشی نے میڈیا سے گفتگو کی اور بتایا کہ اجلاس میں طے پایا ہے کہ مارچ جاری رہے گا۔

شاہ محمود قریشی نے مزید کہا کہ عمران خان ہفتے کے روز راولپنڈی پہنچنے کا حتمی اعلان کریں گے۔

صحافی نے سوال کیا کہ پی ٹی آئی کا مارچ راولپنڈی پہنچ کر ختم ہوگا یا اسلام آباد؟ شاہ محمود قریشی صحافی کے سوال کا جواب دیے بغیر چلے گئے۔

ذرائع کے مطابق اجلاس میں شاہ محمود قریشی، اسد عمر، پرویز خٹک اور فواد چوہدری شریک ہوئے۔

ذرائع کے مطابق اجلاس میں شیری مزاری، مراد سعید، علی امین گنڈاپور، محمود خان اور عمر ایوب بھی موجود تھے۔

عمران خان نے اہم اجلاس میں ڈاکٹر یاسمین راشد، حماد اظہر، اسلم اقبال، عون عباس، عامر کیانی، میاں محمود الرشید، ڈاکٹر ارسلان خالد اور شفقت محمود کو بھی بلایا تھا۔

قومی خبریں سے مزید