فرمان الہی
نماز کے اوقات
پنجاب میں جلسے جلوسوں میں پولیس افسران و اہلکاروں کی شرکت پر پابندی کا مراسلہ جاری کردیا گیا۔
انسپکٹر جنرل (آئی جی) پنجاب نے مراسلہ کیپٹل سٹی پولیس آفیسر (سی سی پی او) لاہور سمیت صوبے بھر کے افسران کو بھجوا دیا، جس میں کہا گیا کہ کوئی پولیس افسر اور اہلکار سیاسی جلسے جلوسوں کا حصہ نہیں بنے گا۔
مراسلے میں کہا گیا کہ احکامات کی خلاف ورزی پر سخت ایکشن ہوگا، پولیس افسران اور اہلکار سیاسی جلسوں میں ڈیوٹی کے دوران یونیفارم کا تقدس قائم رکھیں۔
مراسلے میں ہدایت کی گئی کہ کوئی پولیس افسر اور اہلکار جلسے جلوسوں میں نعرہ بازی نہیں کرے گا، پولیس کی گاڑیاں بھی سیاسی جلسے جلوسوں کے شرکا کیلئے استعمال نہیں ہوں گی، پولیس کی گاڑیاں صرف جلسے و جلوسوں کے شرکا کی سیکیورٹی کیلئے استعمال ہوں گے۔
مراسلے میں مزید کہا گیا کہ یونیفارم میں تصاویر لینا اور سوشل میڈیا پر عوامی خیالات کیلئے پوسٹ کرنا ممنوع ہے۔
