انگلینڈ پاکستان میں جیتنے کے لیے آیا ہے، جیمز اینڈرسن

انگلینڈ کرکٹ ٹیم کے فاسٹ بولر جیمز اینڈرسن نے کہا ہے کہ پاکستان میں جیتنے کے لیے آئے ہیں لیکن پاکستان کو شکست دینے کے لیے اچھی کرکٹ کھیلنی ہوگی۔

راولپنڈی میں پریس کانفرنس کرتے ہوئے جیمز اینڈرسن نے کہا کہ ٹیسٹ سیریز میں جارحانہ کرکٹ کھیلنے اور پاکستان پر پریشر ڈالنے کی کوشش کریں گے۔

جیمز اینڈرسن نے کہا کہ پاکستان میں بہترین استقبال کیا گیا، دورہ پاکستان کے لیے پُرجوش ہیں۔

انہوں نے کہا کہ میں پچ کے معاملے میں اتنا بہتر تجزیہ نہیں دے سکتا۔

انگلش فاسٹ بولر نے کہا کہ آسٹریلیا اور جنوبی افریقا کے دورہ پاکستان کی ویڈیوز دیکھ کر آئے ہیں۔

انہوں نے کہا کہ ہم ایک فریش مائنڈ کے ساتھ پاکستان آئے ہیں، یہاں مختلف اور چیلنجنگ کنڈیشنز میں کھیلنے کا موقع ملے گا۔

پاکستان اور انگلینڈ کےدرمیان راولپنڈی ٹیسٹ میچ کے ٹکٹس کی فروخت جاری

دونوں ٹیموں کے درمیان سیریز کے پہلے راولپنڈی ٹیسٹ کی آن لائن ٹکٹوں کی فروخت جاری ہے اور میچ کے پہلے دن کے لیے 4 انکلوژرز کی تمام ٹکٹیں فروخت ہوگئی ہیں۔

جیمز اینڈرسن نے مزید کہا کہ ابھی نہیں کہہ سکتا کہ ریورس سوئنگ اہم کردار ادا کرسکتی ہے یا نہیں۔

انگلش فاسٹ بولر نے کہا کہ کبھی اپنے لیے ٹارگٹ سیٹ نہیں کیے، کرکٹ انجوائے کرتا ہوں، جب تک فٹ ہوں کھیلتا رہوں گا۔

واضح رہے کہ انگلینڈ اور پاکستان کے درمیان 3 ٹیسٹ میچوں کی سیریز کا پہلا میچ یکم دسمبر سے پنڈی اسٹیڈیم میں شیڈول ہے۔