فرمان الہی
نماز کے اوقات
امریکی صدر جوبائیڈن نے مراکش کے وزیراعظم عزيز اخنوش کے ساتھ فرانس اور مراکش کا ورلڈکپ سیمی فائنل میچ دیکھا۔
غیر ملکی میڈیا کے مطابق افریقی لیڈرز سمٹ کے موقع پر امریکی صدر نے وائٹ ہاؤس میں غیرملکی رہنماؤں کے ہمراہ فٹبال ورلڈ کپ کا سیمی فائنل میچ دیکھا۔
میچ شروع ہونے سے کچھ ہی وقت پہلے امریکی صدر نے ایک تقریب میں خطاب کرتے ہوئے مذاق میں کہا کہ میرے پاس تقریر کرنے کے لیے زیادہ وقت نہیں ہے۔
امریکی صدر کا شرکا سے کہنا تھا کہ مجھے معلوم ہے کہ آپ لوگ خود سے کہہ رہے ہیں کہ جوبائیڈن برائے مہربانی تقریر کو چھوٹا رکھیں کیونکہ سیمی فائنل شروع ہونے والا ہے۔
رپورٹس کے مطابق امریکی صدر نے سیمی فائنل میچ کو مدنظر رکھتے ہوئے اپنی تقریر جلد ختم کی جس کے بعد انہوں نے مراکش کے وزیراعظم کے ساتھ میچ دیکھا۔
پہلی بار سیمی فائنل میں پہنچنے پر امریکی صدر نے مراکش ٹیم کی تعریف بھی کی۔
