فرمان الہی
نماز کے اوقات
پاکستان تحریک انصاف (پی ٹی آئی) کے چیئرمین عمران خان کی جانب سے پنجاب، خیبر پختونخوا کی اسمبلیوں کی تحلیل کی تاریخ کے اعلان کے بعد وزیراعظم شہباز شریف نے کل لاہور میں اہم اجلاس بلالیا۔
ذرائع کا کہنا ہے کہ اجلاس میں پنجاب اور خیبر پختونخوا اسمبلیوں سے متعلق مشاورت ہوگی، تحریک عدم اعتماد جمع کروانے سمیت دیگر آئینی و قانونی امور زیر بحث آئیں گے۔
ذرائع کا کہنا ہے کہ اجلاس میں مسلم لیگ ن کی سینئر قیادت شریک ہوگی، وزیراعظم پی پی کے شریک چیئرمین آصف زرداری، مولانا فضل الرحمان اور دیگر رہنماؤں سے بھی مشاورت کریں گے۔
ذرائع کا کہنا ہے کہ اجلاس میں نواز شریف سمیت اہم اتحادیوں کی ورچوئل شرکت کا امکان ہے۔
