• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میرعلی اور ہنگو میں گاڑیوں پر فائرنگ، 2 خواتین سمیت 6 جاں بحق

آج کا اخبار
ملک بھر سے
18 دسمبر ، 2022
میر علی،ہنگو (خبرایجنسیاں)میرعلی اور ہنگو میں گاڑیوں پر فائرنگ ، 2 خواتین سمیت 6 جاںبحق،ہنگو میں ہنگو میں تلخ کلامی کے بعد خاتون ، بیٹا اور بیٹی کو نشانہ بنایا گیا، میر علی میں گاڑی کیساتھ لاشیں بھی جل گئیں۔تفصیلات کےمطابق شمالی وزیرستان کی تحصیل میر علی میں گاڑی پر فائرنگ کے نتیجے میں 3 افراد جاں بحق ہوگئے، مسلح افراد نے گاڑی پر فائرنگ کی جس کی وجہ سے گاڑی میں آگ بھڑک اٹھی، پولیس کا کہنا ہے کہ آگ لگنے سے گاڑی اور لاشیں جل گئیں، ملزمان کی گرفتاری کیلئے چھاپے مارے جارہے ہیں۔دوسری جانب ہنگو شہر سے ملحقہ علاقہ وراستہ کے مقام پر نامعلوم افرادکی جانب سے مسافر کوچ پر اندھا دھند فائرنگ کے نتیجے میںخاتون ، بیٹا اور بیٹی موقع پر جاں بحق ہو گئے جبکہ دوسرا بیٹا زخمی ہوگیا،واقعہ کے حوالے سے ڈسٹرکٹ پولیس افیسر آصف بہادر نے بتایا کہ کوچ میں سوار ایک ہی خاندان کے افراد ہنگو شہر سے 5کلو میڑ دور شناوڑی ہنگوسے ہنگو بازار جا رہے تھے کہ وراستہ کے مقام پر مسلح افراد کے ساتھ کسی بات پر تلخ کلامی کے بعد نامعلوم افراد نے فائرنگ شروع کی جس کے نتیجے میں فیض اللہ ولد نورذالی سمیت ان کی ماں مسماۃ ث ور ان کی بہن مسماۃ ح موقع پر جاں بحق ہو گئی جبکہ فیض اللہ کا بھائی ثناء اللہ شدید زخمی ہو ا ۔پولیس ذرائع کے مطابق واقع کے بعد ملزمان جائے وقوعہ سے فرار ہونے میں کامیاب ہو گئے۔
ملک بھر سے سے مزید