جمعے کو اسمبلیاں ٹوٹیں گی لگ پتا جائے گا، شیخ رشید

عوامی مسلم لیگ کے سربراہ شیخ رشید نے کہا ہے کہ 27 کلومیٹر کے اقتدار کو بچانے کے لیے حکمرانوں نے ملک کو داؤ پر لگادیا، جمعے کو اسمبلیاں ٹوٹیں گی لگ پتا جائے گا۔

سوشل میڈیا اکاؤنٹ پر شیخ رشید نے لکھا کہ ہر طرف پھڈا ہی پھڈا ہے، 72 گھنٹے اہم ہیں۔

شیخ رشید نے لکھا کہ 75 سال میں ہیجان پیدا نہیں ہوا، گورنر اور اسپیکر، وزارت پیٹرولیم اور خارجہ، سابق اور موجودہ وزیر خزانہ میں پھڈا ہے۔

شیخ رشید نے اپنے پیغام میں مزید لکھا کہ پی ڈی ایم زمینی حقائق سے بےخبر ہے۔ گندم، گیس، بجلی مہنگی اور نایاب ہے اور گندم 4100 من سے اوپر چلی گئی ہے جبکہ اسٹاک مارکیٹ 40 ہزار پوائنٹ سے نیچے آگئی ہے۔

عوامی مسلم لیگ کے سربراہ نے لکھا کہ انسانی خوراک تو کیا مرغیوں کی خوراک بھی نہیں، مارکیٹیں 8 بجے بند کرانے سے کچھ نہیں ہوگا، الیکشن ہی عوام کا اعتماد بحال کریں گے۔