قائداعظم کے اصولوں پر عمل کرنا ہوگا، صدر، وزیراعظم

صدر مملکت عارف علوی نے کہا ہے کہ قائداعظم نے کہا تھا کشمیر پاکستان کی شہ رگ ہے، کوئی قوم اس کی شہ رگ کو دشمن کے قبضے میں رکھنے کی اجازت نہیں دے سکتی۔

قائداعظم کے یوم پیدائش پر اپنے پیغام میں انہوں نے کہا کہ قائداعظم کے فرمودات پر عمل پیرا ہوکر ملک کو مستحکم کریں گے۔

بابائے قوم کا 147 واں یوم پیدائش آج منایا جارہا ہے

قائد اعظم محمد علی جناح 25 دسمبر 1876 کو کراچی میں پیدا ہوئے، اس دن کی مناسبت سے ملک بھر میں سرکاری عمارتوں پر قومی پرچم لہرایا جارہا ہے۔

اپنے پیغام میں وزیراعظم شہباز شریف نے کہا کہ قائداعظم کےاصولوں پر عمل پیرا ہونا ہی خراج عقیدت کا بہترین طریقہ ہے۔

ان کا کہنا تھا کہ اندرونی خلفشار ختم کرکے ملک کی ترقی کیلئے شبانہ روز محنت کرنی ہے۔