فرمان الہی
نماز کے اوقات
لاہور (نمائندہ جنگ) وزیراعظم شہباز شریف نے کہا ہے کہ بڑے بھائی اورقائد محمد نوازشریف کو یوم ولادت کی مبارک پیش کرتا ہوں، آج کے دِن مجھ سمیت انکے کروڑوں چاہنے والے ان کیلئے ڈھیروں دعائیں اور تمنائیں پیش کرتے ہیں۔
اپنے بیان میں شہباز شریف نے کہا کہ فخر ہے کہ محمدنوازشریف کا چھوٹا بھائی اور انکا کارکن ہوں، نوازشریف کی زندگی پاکستان سے والہانہ محبت اور خیرخواہی سے عبارت ہے، وہ نہایت حساس ونرم دِل ، دوراندیشی اور فہم ودانائی جیسی خوبیوں کے مالک ہیں
نوازشریف نے ہمیشہ پاکستان کے دفاع ومعاشی ترقی ، عوامی فلاح وبہبود اور عالمی سطح پر عزت ووقار میں اضافے کیلئے کام کیا، نوازشریف وعدے وفا کرتا ہے، انکی سیاسی، جمہوری اور عوامی جدوجہد کو سلام پیش کرتا ہوں ، اللہ تعالی میرے بھائی اور قائد کو عمر خضرعطا فرمائے اور ہمارے سروں پر قائم دائم رکھے۔
