ن لیگ ہمیشہ وعدہ خلافی کرتی ہے: کامل علی آغا

مسلم لیگ ق کے رہنما کامل علی آغا کا الزام عائد کرتے ہوئے کہنا ہے کہ مسلم لیگ ن ہمیشہ وعدہ خلافی کرتی ہے۔

یہ بات انہوں نے ’جیو نیوز‘ سے گفتگو کے دوران کہی ہے۔

کامل علی آغا کا کہنا ہے کہ جب بھی مسلم لیگ ن والے مصیبت میں ہوتے ہیں پاؤں پکڑتے ہیں، مصیبت سے نکل کر گریبان پکڑتے ہیں۔

ان کا کہنا ہے کہ وزیرِ اعلیٰ پنجاب چوہدری پرویز الہٰی نے ہمیشہ کہا ہے کہ عمران خان جب کہیں گے وہ اسمبلیاں توڑ دیں گے۔

اسٹیبلشمنٹ فی الحال نیوٹرل نظر نہیں آرہی، کامل علی آغا

مسلم لیگ ( ق ) سینیٹر کامل علی آغا نے کہا ہے کہ ہمارا معاہدہ سیاسی جماعت کے ساتھ نہیں ریاست سے ہے۔

مسلم لیگ ق کے رہنما نے مزید کہا کہ ہم چاہتے ہیں کہ ساری رکاوٹیں عبور کر کے عمران خان کے حکم پر عمل کریں۔

کامل علی آغا کا یہ بھی کہنا ہے کہ ہم پی ٹی آئی کے چیئرمین عمران خان کے اتحادی ہیں، جو وہ کہیں گے ہم کریں گے۔