وفاقی کابینہ کا امن و امان پر سمجھوتہ نہ کرنے کے عزم کا اظہار

وفاقی کابینہ نے ملک میں امن و امان کی صورتحال پر کسی قسم کا سمجھوتہ نہ کرنے کے عزم کا اظہار کیا ہے۔

اسلام آباد میں وزیراعظم شہباز شریف کی زیر صدارت وفاقی کابینہ کا اجلاس ہوا، جس میں دہشت گردی کے واقعات میں شہید افراد کےلیے فاتحہ خوانی کی گئی۔

توانائی میں کفایت شعاری اپنانا ضروری ہے، وزیراعظم

وزیراعظم شہباز شریف نے کہا ہے کہ بحیثیت قوم توانائی سے متعلق کفایت شعاری اپنانے کی اشد ضرورت ہے۔

اعلامیے کے مطابق وفاقی کابینہ نے ملک میں دہشت گردی کے حالیہ واقعات کی شدید مذمت کی اور ملک میں امن و امان کی صورتحال پر کسی قسم کا سمجھوتہ نہ کرنے کے عزم کا اظہار کیا۔

کابینہ نے فیصلہ کیا کہ دہشت گردی کے عفریت کو جڑ سے ختم کردیا جائے گا۔

کابینہ نے دہشت گردی کے خلاف مسلسل جدوجہد پر سیکیورٹی فورسز کو خراج تحسین پیش کیا۔

وفاقی کابینہ نے سینئر پارلیمنٹرین چوہدری اشرف کی 53 سال پرانے کیس میں گرفتاری پر افسوس کا اظہار بھی کیا۔