دادو: گھوسٹ قرار دیے گئے اساتذہ 2 روز بعد بحال

28 دسمبر ، 2022

داود میں گھوسٹ قرار دے کر معطل کیے گئے اساتذہ 2 روز بعد ہی بحال کردیے گئے۔

دادو میں 2 گھوسٹ اساتذہ کو 2 روز قبل معطل کیا گیا تھا، سیکریٹری تعلیم غلام اکبر لغاری نے اساتذہ کی بحالی کا نوٹیفکیشن بھی جاری کردیا۔

ڈسٹرکٹ ایجوکیشن آفیسر (ڈی ای او) غلام سرور نے امتیاز لوند اور غازی جمالی کے خلاف محکمانہ کارروائی کی۔

کارروائی پر اساتذہ نے ڈی ای او افسر کو دھمکیاں دیں اور ہراساں کیا، ڈی ای او کی شکایت پر سیکریٹری تعلیم نے اساتذہ کو معطل کیا تھا۔

دوسری طرف سیکریٹری تعلیم غلام اکبر لغاری اور ڈی ای او غلام سرور کے سمجھوتے سے متعلق بیانات سامنے آئے ہیں، جن میں تضاد پایا جاتا ہے۔

غلام اکبر لغاری کے مطابق ڈی ای او اور اساتذہ کے درمیان سمجھوتا ہوگیا ہے جبکہ غلام سرور کا کہنا ہے کہ کوئی سمجھوتا نہیں ہوا، نہ ہی کسی کو معاف کیا۔

ڈی ای او نے مزید کہا کہ مجھےنہیں پتا یہ سب کیسے ہوا اور کیسے اساتذہ کو بحال کیا گیا۔

قومی خبریں سے مزید

ملک میں آئین و قانون کی بالادستی نہیں ہے، عمر ایوب