فرمان الہی
نماز کے اوقات
پاکستان کرکٹ بورڈ کی مینجمنٹ کمیٹی کا اجلاس کل نجم سیٹھی کی صدارت میں ہوگا۔
لاہور میں ہونے والے اجلاس میں پاکستان کرکٹ ٹیم اور پاکستان ویمن ٹیم کے کوچز کے حوالے سے بات ہوگی۔
ذرائع کے مطابق اجلاس میں مختلف کمیٹیاں تشکیل دی جائیں گی اور پاکستان سُپر لیگ کے حوالے سے بھی مختلف امور زیر بحث آئیں گے۔
ذرائع کا کہنا ہے کہ اجلاس میں پاکستان کرکٹ بورڈ کے ملازمین کی بھاری تنخواہوں کا معاملہ بھی زیر بحث آئے گا۔
اس حوالے سے ذرائع کا کہنا ہے کہ مینجمنٹ کمیٹی بھاری تنخواہوں پر عہدیداران کو رکھنے کے حق میں نہیں ہے اور بھاری تنخواہوں پر کام کرنے والوں کو بھی پیغام پہنچا دیا گیا ہے۔
ذرائع کا دعویٰ ہے کہ آنے والے دنوں میں پی سی بی میں مزید تبدیلیاں بھی ہوں گی۔
