فرمان الہی
نماز کے اوقات
تحریک انصاف کے چیئرمین عمران خان نے آج اسلام آباد میں بلدیاتی الیکشن نہ کرائے جانے پر ردعمل کا اظہار کیا ہے۔
سوشل میڈیا پر عمران خان نے اس حوالے سے لکھا کہ آج اسلام آباد میں بلدیاتی الیکشن کرانے کے لیے اسلام آباد ہائی کورٹ کے احکامات پر عمل درآمد نہ کر کے الیکشن کمیشن نے ایک مرتبہ پھر ظاہر کیا ہے کہ یہ امپورٹڈ حکومت اور اس کے حامیوں کی بی ٹیم ہے۔
سابق وزیراعظم نے لکھا کہ عوام سے خوفزدہ پی ڈی ایم تمام انتخابات سے بھاگ رہی ہے۔
عمران خان نے لکھا کہ ووٹ کا حق جمہوریت کا بنیادی اصول ہے اور پی ٹی آئی اس پر کاربند ہے۔
واضح رہے کہ گزشتہ روز اسلام آباد ہائی کورٹ نے اسلام آباد میں شیڈول کے مطابق آج بلدیاتی الیکشن کرانے کا حکم دیا تھا جسے وفاقی حکومت اور الیکشن کمیشن نے چیلنج بھی کردیا۔
