فرمان الہی
نماز کے اوقات
نیوزی لینڈ کے فاسٹ بولر مچل میکلینگن نے بھی کراچی ٹیسٹ کی پچ پر طنز کردیا۔
واضح رہے کہ نیوزی لینڈ اور پاکستان کےدرمیان کراچی میں دوسرا ٹیسٹ میچ کھیلا جا رہا ہے۔
ایسے میں مچل میکلینگن نے اپنے طنزیہ ٹوئٹ میں لکھا ’کیا زبردست سڑک ہے، ایسی پچ بیٹرز کا خواب ہوتی ہے۔
واضح رہے کہ دو روز قبل چیف سلیکٹر شاہد خان آفریدی نے ساتھی سلیکٹر ہارون رشید کے ساتھ نیشنل اسٹیڈیم کی پچ کا معائنہ کیا تھا۔
اس موقع پر شاہد آفریدی نے کہا تھا کہ جن پچز پر ہم نے کھیلا ہے اس سے بولرز کو کافی نقصان ہوسکتا ہے، دوسرے ٹیسٹ کے لیے باؤنسی وکٹ کی کوشش کریں گے تاکہ تماشائیوں کو بھی میچ دیکھنے کا مزہ آسکے اس طرح کی پچوں پر کسی طرح کرکٹ کو فائدہ نہیں ہوگا۔
شاہد آفریدی نے یہ بھی کہا تھا کہ نیوزی لینڈ اور انگلینڈ کے خلاف جن پچز پر کھیلا اس سے ہماری کرکٹ آگے نہیں جاسکتی۔
سلیکشن کمیٹی کے سربراہ نے کہا کہ وکٹ کا معائنہ کیا اور کیوریٹر سے بھی رائے لی ہے ہمارے پاس تجربہ کار ٹیم موجود ہے۔
