فیصل واوڈا کی خالی سینیٹ نشست پر الیکشن کا شیڈول سامنے آگیا

پاکستان تحریک انصاف (پی ٹی آئی) کے سابق سینیٹر فیصل واوڈا کے استعفے سے خالی ہونے والی نشست پر کاغذات نامزدگی کل سے جمع ہوں گے۔

ریٹرننگ آفیسر (آر او) اعجاز انور چوہان نے سینیٹ نشست پر انتخاب کے لیے شیڈول جاری کردیا ہے۔

حکومت اور اتحادی دست و گریبان نہیں ہیں، خواجہ سعد رفیق

وفاقی وزیر خواجہ سعد رفیق نے کہا ہے کہ حکومت اور اتحادی دست و گریبان نہیں ہیں، کراچی میں بلدیاتی الیکشنز پر اختلاف رائے ہے، دعا کریں انتخابات وقت پر ہو جائیں۔

آر او کے مطابق فیصل واوڈا کی خالی نشست پر کل 5 جنوری سے 7 جنوری تک کاغذات نامزدگی جمع ہوں گے۔

ریٹرننگ آفیسر کے مطابق نامزد امیدواروں کی فہرست 9 جنوری کو لگائی جائے گی جبکہ کاغذات کی جانچ پڑتال 12 جنوری کو ہوگی۔

آر او کے مطابق ایوان بالا کی خالی نشست پر پولنگ 25 جنوری کو ہوگی، الیکشن کے لیے سندھ اسمبلی کو پولنگ اسٹیشن بنایا گیا ہے۔