الیکشن کمیشن کا حکومت سندھ کو فول پروف سیکیورٹی انتظامات کا حکم

الیکشن کمیشن آف پاکستان نے حکومت سندھ کو فول پروف سیکیورٹی انتظامات کا حکم دے دیا۔

الیکشن کمیشن کا کہنا ہے کہ صوبائی حکومت نے سیکیورٹی خدشات کا اظہار کیا، کراچی کے 300 اور حیدرآباد کے 200 انتہائی حساس پولنگ اسٹیشن پر رینجرز کے اہلکار بھی ڈیوٹی دیں گے۔

ایم کیو ایم سے درخواست ہے کل الیکشن میں بھرپور حصہ لیں، بلاول بھٹو زرداری

پی پی چیئرمین نے کہا کہ میں خود کراچی میں موجود ہوں، اور لوگوں سے کہتا ہوں کہ وہ شہر کی ترقی کیلئے اپنا حق رائے دہی استعمال کریں۔

ترجمان الیکشن کمیشن کا کہنا ہے کہ پولیس اور رینجرز کے علاوہ پاک فوج بھی تھرڈ رسپانڈر کے طور پر موجود ہوگی، الیکشن کمیشن تمام سیکیورٹی اداروں سے رابطے میں ہے۔

اعلامیے کے مطابق ووٹروں کو پر امن ماحول فراہم کرنے کیلئے ہر ممکن اقدامات کیے جائیں گے، ووٹروں سے درخواست ہے بےخوف و خطر اپنا حق رائے دہی استعمال کریں۔

الیکشن کمیشن کا کہنا ہے کہ تمام امیدوار اور سیاسی جماعتیں الیکشن کمیشن سے تعاون کریں، تمام سیاسی جماعتیں پر امن انتخابات کے انعقاد میں اپنا کردار ادا کریں۔

 ترجمان الیکشن کمیشن کا کہنا ہے کہ انتخابی عمل میں خلل ڈالنے والوں کے خلاف قانونی کارروائی کی جائے گی۔