فرمان الہی
نماز کے اوقات
مسلم لیگ (ن) کے رہنما کیپٹن (ر) صفدر نے کہا کہ عمران خان جب جیل جاؤ گے تو اتنا روؤ گے جتنا اعظم سواتی نہیں رویا ہوگا۔
ان کا کہنا تھا کہ نواز شریف نے ہر دور میں ریاست کو بچایا، سیاست کو نہیں بچایا۔
لاہور میں پارٹی کے پرانی انار کلی آفس میں میڈیا سے گفتگو کرتے ہوئے کیپٹن صفدر کا کہنا تھا کہ مجھے جیلوں میں ڈالا گیا، ظلم کیے گئے لیکن کبھی رویا نہیں۔
انہوں نے کہا کہ نیا پاکستان بنانے کے دعوےدار کا ایک وزیر جیل گیا تو رونے لگا۔
کیپٹن صفدر نے کہا کہ ملک کے مسائل حل کرنے کی کوشش کی گئی تو نواز شریف کا راستہ روکا گیا۔
ان کا کہنا تھا کہ ملک جن حالات سے دوچار ہے اس کے ذمہ دار سے حساب لینا ہوگا، جب دوبارہ 2025 میں الیکشن ہوں گے تب بھی ملک کی معیشت بہتر ہوچکی ہوگی۔
انہوں نے مزید کہا کہ جب بھی مشکل پڑی لاہور نے مسلم لیگ (ن) کیلئے ہراول دستے کا کردار ادا کیا۔
