فرمان الہی
نماز کے اوقات
پاکستان تحریک انصاف (پی ٹی آئی) کے سینئر رہنما حماد اظہر نے کہا ہے کہ شریف خاندان لوگوں میں قابل نفرت ہوچکا ہے۔
حماد اظہر نے ن لیگی سینئر نائب صدر کی لندن سے لاہور واپسی پر تبصرہ کرتے ہوئے کہا کہ مریم نواز کیا نواز شریف بھی آجائیں یہ لوگ تو قابلِ نفرت ہو چکے ہیں۔
انہوں نے اس موقع پر الیکشن کمیشن کو بھی نشانے پر رکھ لیا اور کہا کہ الیکشن کمشنر کو صرف منشی کہنے پر اتنا ظلم کیا جا رہا ہے۔
پی ٹی آئی رہنما نے مزید کہا کہ اگر آپ نے عزت کروانی ہے تو اپنے عمل سے کروائیں نہ کہ ڈنڈے کے زور سے۔
حماد اظہر نے یہ بھی کہا کہ حکومت شہریوں کے خلاف طاقت استعمال کر رہی ہے، فواد چوہدری کہہ چکے ہیں وہ اپنے بیان پر قائم ہیں۔
ان کا کہنا تھا کہ 25 مئی کے واقعات میں ملوث افراد کو نگراں سیٹ اپ میں لگایا جارہا ہے۔
