شیخوپورہ(نمائندہ جنگ سے) لیاقت چوک کے ہوٹل سمیت مختلف مقامات پر چھاپے مار کر 46افراد کو روزہ خوری کرتے ہوئے پکڑ کر سٹی تھانوں کی حوالات میں بند کردیا گیا ہے اور ان کے خلاف احترام رمضان آرڈیننس کے تحت مقدمات درج کرلئے گئے ہیں، دریں اثناء پرائس کنٹرول مجسٹریٹوں نے ضلع بھر میں اشیاء خوردونوش سرکاری نرخ نامہ سے زیادہ قیمت پر بیچتے ہوئے 14دکانداروں کو گرفتار کرلیا، محکمہ لائیو اسٹاک کی ٹیم نے لاہور روڈ پر رانا بھٹی کے قریب کارروائی کرتے ہوئے دو قصابوں کو گرفتار کرکے ان کے قبضہ سے چار من مضر صحت گوشت برآمد کرلیا وہ یہ گوشت لاہور لیکر جارہے تھے ، چھاپے کے دوران دو قصا ب پراسرار طور پر فرار ہوگئے، دریں اثناء پرائس کنٹرول مجسٹریٹ و ڈسٹرکٹ آفیسر لیبر نعیم چوہدری نے گراں فروشوں کے خلاف کارروائی کرنے کیلئے پولیس کا عملہ مانگ لیا ہے ، شہر اور اس کے نواحی علاقوں میں لیموں ، سبز دھنیہ ، الیچی، کیلہ، فالسہ اور مختلف اقسام کی دالیں اور چاول مقررہ قیمت سے زائد نرخوں پر فروخت ہورہے ہیں۔
فرمان الہی
نماز کے اوقات
