عامر خان اور سلمان خان کے درمیان بڑے بجٹ کی فلم بنانے کیلئے اشتراک کا امکان

02 فروری ، 2023

بھارتی فلم انڈسٹری کے دو بڑے ناموں عامر خان اور سلمان خان کے درمیان ایک بڑے بجٹ کی فلم بنانے کے لیےاشتراک ہونے کا امکان ہے۔

بھارتی میڈیا کی رپورٹ کے مطابق، عامرخان نے سلمان خان کو ایک بڑے بجٹ کی فلم میں کام کرنے کی پیشکش کی ہے۔

رپورٹ میں ذرائع کا حوالہ دیتے ہوئے بتایا گیا ہے کہ عامر خان نے سلمان خان کو ایک نئی فلم میں کام کرنے کی پیشکش کی ہے جوکہ عامر خان پروڈکشن کے تحت بنائی جائے گی۔

رپورٹ کے مطابق، پچھلے 6 مہینوں سے عامر خان اپنے ڈائریکٹر آر ایس پرسانا کے ساتھ مل کر اس فلم کے اسکرپٹ پر کام کر رہے ہیں۔

اس فلم کا فائنل ڈرافٹ تیار ہونےہاتھ میں آنے کے بعد عامر خان کا خیال ہےکہ اس فلم کے لیے سلمان خان سے بہترین انتخاب کوئی اور نہیں ہوسکتا اور اس لیے انہوں نے سلمان خان کو اس فلم کی پیشکش کی ہے۔

رپورٹ میں یہ بھی بتایا گیا ہے کہ سلمان خان نے بھی اپنے دوست عامر خان کی اس فلم میں کام کرنے کے لیے دلچسپی کا اظہار کیا ہے۔

ذرائع کا کہنا ہے کہ عامرخان، سلمان خان کو پہلی مرتبہ کسی فلم میں کام کرنے کی پیشکش کر رہے ہیں اور اس کی بس ایک ہی وجہ ہے کہ عامر خان کو لگتا ہے کہ اس فلم کےلیے بھارتی فلم انڈسٹری میں سلمان خان ہی سب سے زیادہ بہتر انتخاب ہیں۔

ذرائع کا مزید کہنا ہے کہ اس فلم کا اسکرپٹ اورمرکزی کردار میں مکمل طور پر سلمان خان کی شخصیت کی چمک نظر آتی ہے لیکن زبردست مواد اور بےحد جذباتی کہانی ہونے کی وجہ سے یہ پراجیکٹ عامر خان کے دل کے بہت قریب ہے اور وہ اس کہانی کو لوگوں تک پہنچانےکے لیے سلمان خان کے ساتھ ایک نیا سفر شروع کرنے کے لیے پر امید ہیں۔

واضح رہے کہ فلم ’لال سنگھ چڈھا‘ کی ناکامی کے بعد عامرخان نے اعلان کیا تھا کہ وہ کچھ وقت کے لیے اداکاری سے وقفہ لے رہے ہیں۔

انٹرٹینمنٹ سے مزید