میچ کے بعد وہاب ریاض نے افتخار کو گراؤنڈ کے باہر پکڑ لیا

پاکستان سپر لیگ (پی ایس ایل) کی ٹیم پشاور زلمی کے فاسٹ بولر وہاب ریاض نے نمائشی میچ کے بعد کوئٹہ گلیڈی ایٹر کے افتخار احمد کو گراؤنڈ کے باہر پکڑ لیا۔

وہاب ریاض نے افتخار احمد کی تعریف کردی

وہاب ریاض نے مزید کہا کہ میچ کے دوران افتخار احمد نے نا قابل یقین شارٹس کھیلے اور اپنی مہارت دکھاتے ہوئے انتہائی حیرت انگیز بیٹنگ کا مظاہرہ کیا۔

پی سی بی نے اپنے آفیشل ٹوئٹر اکاؤنٹ پر ایک ویڈیو شیئر کی جس میں وہاب ریاض اور افتخار احمد میچ کے بعد خوش گپیاں کرتے نظر آرہے ہیں۔

وہاب ریاض افتخار احمد کو پکڑ کر کہتے ہیں کہ میری بات نوٹ کرلیں یہ جو شرٹ پہنے ہوئے ہیں یہ پی ایس ایل میں مزید نہیں چلے گا، جس پر افتخار احمد ہنستے ہوئے نظر آتے ہیں۔

پشاور زلمی کے وہاب ریاض ساتھی کھلاڑیوں کے ساتھ افتخار احمد کی بیٹنگ پر تبصرہ کرتے ہوئے کہتے ہیں کہ میں نے انہیں  پاؤں پر گیند  مارنے کی کوشش کی تھی مگر انہوں نے یارکر پر بہت اچھا چھکا مارا۔

افتخار احمد کے چھکوں پر میمز کی بھرمار

کوئٹہ گلیڈی ایٹرز کے آل راؤنڈر بیٹر افتخار احمد نے میچ کے آخری اوور میں وہاب ریاض کو 6 چھکے لگائے، افتخار احمد نے 50 گیندوں پر 94 رنز کی ناقابلِ شکست اننگز کھیلی۔

وہاب ریاض نے کہا کہ مجھے چکھے مارنا بہت بڑی بات ہے اور اس سے کھانا اس سے زیادہ بڑی بات ہے۔

واضح رہے کہ پی ایس ایل کے نمائشی میچ میں کوئٹہ گلیڈی ایٹرز نے 20 اوورز میں پشاور زلمی کو جیت کے لیے 185 رنز کا ہدف دیا تھا۔

افتخار احمد نے 50 گیندوں پر 94 رنز کی ناقابلِ شکست اننگز کھیلی جبکہ خوشدل شاہ نے 36 اور عبدالواحد بنگلزئی نے 28 رنز بنائے۔

پشاور زلمی کی طرف سے وہاب نے 3 جبکہ عامر جمال اور اسامہ میر نے ایک ایک وکٹ حاصل کی۔

ہدف کے تعاقب میں پشاور زلمی نے بھی عمدہ پرفارمنس دکھائی، تاہم میچ 3 رنز سے سرفراز الیون کے نام رہا۔