-
فرمان الہی
-
نماز کے اوقات
- منگل21؍شوال المکرم 1445ھ 30؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
وزیراعظم شہباز شریف کے معاون خصوصی ملک احمد خان نے پاکستان تحریک انصاف (پی ٹی آئی) کے جن رہنماؤں پر آرٹیکل 6 لگتا ہے ان کے نام بتادیے۔
جیو نیوز کے پروگرام آج شاہزیب خانزادہ کے ساتھ میں گفتگوکے دوران ملک احمد خان نے پی ٹی آئی کی جیل بھرو تحریک پر بھی تبصرہ کیا۔
انہوں نے کہا کہ جب تک وفاق میں نگراں حکومت نہ ہو دو صوبوں پنجاب اور خیبر پختونخوا میں انتخابات ممکن نہیں۔
وزیراعظم کے معاون خصوصی نے مزید کہا کہ تحریک انصاف کسی کو مجبور نہیں کرسکتی کہ باقی اسمبلیاں تحلیل کرے۔
ان کا کہنا تھا کہ ہم نے تحریک انصاف کو پارلیمان آنے کا کہا انہوں نے مذاق بنایا اور پارلیمنٹ نہیں آئے تو استعفے منظور ہوئے۔
ملک احمد خان نے یہ بھی کہا کہ یہ جیل بھرو تحریک شوق سے شروع کریں، ان کے 3، 4 لوگ جیل گئے اور روتے ہوئے باہر آئے۔
انہوں نے کہا کہ حکومت سے بارہا کہا پی ٹی آئی لیڈر شپ کے خلاف بڑے مقدمے بنتے ہیں، ان پر آرٹیکل 6 لگتا ہے۔
وزیراعظم کے معاون خصوصی نے کہا کہ عمران خان، عارف علوی، سرفراز چیمہ، قاسم سوری اور فواد چوہدری پر آرٹیکل 6 لگتا ہے۔
ان کا کہنا تھا کہ بینظیر بھٹو کی شہادت کے بعد انتخابات آگے چلے گئے تھے۔
وزیراعظم کے معاون خصوصی نے کہا کہ جنرل (ر) قمر جاوید باجوہ سے نیاز مندی کا رشتہ آج زیادہ مضبوط ہے۔
